尋味

营业中

休息中

朋友推介喺大围田心村有一间隐世小店，主打鸡煲、烤鱼同串烧！作为川菜lover当然要去探店喇！串烧种类繁多，价钱合理！肥肠鸡煲（半只）～肥肠要处理得干净先至唔会有异味，呢度可以讲系完美演绎！加上四川香料，麻辣嘅味道别具一番风味！而且鸡肉算系厚肉！非常足料👍🏻杂丸拼盘、莲藕片、唐生菜、米线～食哂鸡煲就可以加汤，用作打边炉！当中与牛丸最令我心动，竟然非常弹牙兼爆汁😍米线，亦都非常软滑，吸哂汤！非常入味！😋凉拌皮蛋～皮蛋非常软糯，配上四川独有酱汁，完全系开胃之选！烧司华力肠～啖啖肉！而且𠝹满花纹，烧烤香料可以渗透内部，非常够味！外脆内软！肠味香浓😍烤雪花牛肉串～烧烤香料绝对冇掩盖到牛肉香浓嘅牛味!一口一粒！非常滋味！串烧虽然要慢慢等，但绝对食得出烧烤师傅慢工出细货！完全值得！系必食推介！金桔柠檬～食辣嘢最紧要有一杯冻冰冰嘅特饮，而呢度嘅饮品非常特别。用上香水柠檬，带有独特香味，不太酸同时带有微微甜味。