M3 Italian (已結業)

今日嚟到位于大围嘅西餐厅M3 Italian食饭，餐厅嘅装修都几有格调，有少少酒吧嘅感觉。法国生蚝入口无蚝壳碎，蚝味香浓，有淡淡的海水味，仲好厚肉添。巴马火腿芝士手制薄饼薄饼个饼皮好有弹性，摸落去完全唔会觉得油，配上充满咸香味嘅火腿一齐食，真系好有风味啊。黑松露忌廉手制意大利粉配日本北海道特大带子意粉有好香嘅黑松露香味，忌廉味亦都唔会太过浓，入口唔会觉得好肥腻。意粉入口亦都系好有弹性，带子又大又弹牙，真系好好味呀。炭烧美国肉眼扒肉眼扒入口有炭烧香味，外皮有少少焦脆，牛肉味都几特出，入口仲好有肉汁添。整体来讲，餐厅嘅食物质素真系非常之唔错，当中嘅意粉同牛扒仲整得特别好味添。