河內越式料理 (村南道)

营业中

休息中

晚上嚟大围揾食,同朋友嚟帮衬下食越南野,估唔到入内已经全店满座,墙身靓靓越式挂饰,有气氛,欣赏!靓!店员好好既招呼,提醒仲可以叫下午茶,套餐劲抵食,主食可以配小食,叫咗扎肉汤河粉,好快到热辣辣上枱,再叫个顺化虾饼拼捞檬,捞汁食,虾饼好出色好,足料够弹牙,美味!香茅鸡翼味道正常,朋友想试就叫咗个招牌越式三文治,估唔到爆馅满满的,满足!越式猪颈肉配甜酸酱美味,好夹啰!二人食叫咗咁多野都食得晒,今晚大满足!加埋油菜仲有饮品系冰镇冻奶茶,好香茶味,不太甜喜欢!整体唔错,唔怪得咁多人帮衬,下次要再嚟食过!