金龍冰室 (已結業)

同老公系大围买完野落街食饭，谂食咩真系好头痕，其实最紧要咩都有得拣同经济实惠。咁就决定去茶餐廰。见金龙冰室装修干净整齐，餐牌一大本慢慢拣岩晒我地。叫左是日晚餐套餐$55有汤，猪扒炸虾配3.6牛乳炒蛋跟薯菜，仲有焗车打芝士碎蛋沙律朱仔饱，仲有野饮，劲抵！！老公叫左铁板扒餐$90有汤，龙虾汁牛仔骨配炸虾炸带子跟薯菜同野饮，仲加左碟油菜。红汤好味唔会酸，白汤足料，油菜好快上，超级惊喜因为出街食真系未见过咁大碟菜，又新鲜又靓：）猪扒set 都几好，猪扒够入味不过唔够热，可能因为上面有沙律菜凉左，老公个铁板满到呢...牛仔骨好嫩滑又大件，非常饱肚，饮埋杯柠茶就岩岩好。下次再黎试其他野先。