小火焰韓式咖啡廳 (金山樓) (已結業)

因为疫情关系，好耐冇去韩国，所以好耐无食韩国嘢，大围附近有得食韩国嘢嘅地方唔多，终于揾到大围金山楼附近呢间小火焰，之前喺其他地方都试过，今次一于再试试！依家改咗扫QR code点嘢食，佢嘅午餐都几抵食，我一个主食可以再加饮品，再追加小食，再追加甜品，加埋都唔使$100，仲要唔使加一。泡菜鳗鱼烧拌饭泡菜同紫菜嘅份量好多，加上鳗鱼汁， 十分适合拌饭一起吃，鳗鱼好大块差唔多有半只碗咁大， 1十分肥美！加$15可以再加埋甜酸炸鸡，小食份量啱啱好！辛辣茄子牛肋焗泡菜炒饭佢啲牛肋好淋好入味，仲要已经去骨，配上芝士捞埋焗饭，真系好入味，值得一试，牛肋的份量很多差唔多每一啖饭都可以食到一块块的牛肋肉！冻的柚子蜜，清淡得来唔会话好甜，啱晒食完辣嘢嘅我！