小火焰韓式咖啡廳 (金山樓) (已結業)

今晚近近地去大围试吓呢间韩式咖啡餐厅，上次中午去到太多人所以冇试到。今晚专登晏少少8:30pm 左右先去到，都仲要等咗阵先有位。佢哋有多款套餐，其实都几抵食。好似呢个二人餐，$328 包沙律、小食、主食、锅、甜品及饮品，真系几抵，不过我哋怕食吾晒，所以最后决定散叫。最后点咗咗「牛肉水冷面」，冷面份量不少，萝卜汤底，配有红、白萝卜丝、青瓜丝、蛋及烧牛肉。烧牛肉好好味。天气熟食个水冷面十分爽。然后半份「甜辣年糕炸鸡」，个甜辣汁同年糕好夹。炸鸡香脆可口，二人份量刚刚好。「牛肉石锅饭」店员帮我们捞好，加上辣酱，够晒辣又惹味，我同阿仔食到爆汗。又热又辣要饮番杯冰冻饮品，阿仔居然选择饮朱古力咖啡至于我今日不想饮咖啡，最后选择了饮蜂蜜红枣茶。整体来说是不错，怪不得平时见佢成日排晒队等位。