影片
更多
2017-05-18
1495 浏览
家住大围，日日经过村南道见到有新餐厅开张当然唔放过，尤其见op仲未有食家写过食评～就由小女子开辟大地啦 --------------------- 呢度装修喺大围区都算特别，因为喺正街角，客流多一定留意到，但同时外观比较暗色平实，所以整体外观感觉相对内俭 第一个黎写紧系要比啲诚意叫lunch menu最贵果样lol~~（其实系自己想食⋯）就黎个「刺身定食10切」啦！呢度lunch set 都配有味噌汤、沙律前菜同日式蒸蛋，虽然无饮品但都有日式热茶（虽然店员加茶速度较慢，但都同客多有关嘅） 「刺身定食10切」（$138） 上菜时系有惊喜位嘅，因为刺身冰盘上，仲有唔少装饰，睇得出有用心制作～加上店员指原来寿司同刺身set款式系日日同个个唔同嘅，虽然未考证到，但如果系嘅都几有新鲜感 今次有：三文鱼（肥而不腻，有足够鱼油）、𫠒红鱼（薄切爽口，不过相对细块啲）、鲷鱼（好鲜甜，有口感，果然系当造5月鱼类之一）、吞拿鱼（都算颇厚切，无咩筋，入口几嫩滑）同埋甜虾（好新鲜～有虾羔而且好甜） 至于其他小食，蒸蛋做得特别好～完全唔老好滑好滑，而且入面都有菇同海鲜粒，做得好好（唯独虾粒无挑肠）
家住大围，日日经过村南道见到有新餐厅开张当然唔放过，尤其见op仲未有食家写过食评～就由小女子开辟大地啦---------------------
呢度装修喺大围区都算特别，因为喺正街角，客流多一定留意到，但同时外观比较暗色平实，所以整体外观感觉相对内俭
第一个黎写紧系要比啲诚意叫lunch menu最贵果样lol~~（其实系自己想食⋯）就黎个「刺身定食10切」啦！呢度lunch set 都配有味噌汤、沙律前菜同日式蒸蛋，虽然无饮品但都有日式热茶（虽然店员加茶速度较慢，但都同客多有关嘅）
「刺身定食10切」（$138）上菜时系有惊喜位嘅，因为刺身冰盘上，仲有唔少装饰，睇得出有用心制作～加上店员指原来寿司同刺身set款式系日日同个个唔同嘅，虽然未考证到，但如果系嘅都几有新鲜感
今次有：三文鱼（肥而不腻，有足够鱼油）、𫠒红鱼（薄切爽口，不过相对细块啲）、鲷鱼（好鲜甜，有口感，果然系当造5月鱼类之一）、吞拿鱼（都算颇厚切，无咩筋，入口几嫩滑）同埋甜虾（好新鲜～有虾羔而且好甜）至于其他小食，蒸蛋做得特别好～完全唔老好滑好滑，而且入面都有菇同海鲜粒，做得好好（唯独虾粒无挑肠）
Ps 部分店员可能比较green, 所以唔太熟餐set内容，不过整体都好有礼貌～好味指数😋：8/10
翻啅指数🙆🏻：7.5/10
人均消费💰：101-200
服务态度👨🏼🍳：7.5/10
干净指数🌝：8/10
张贴
