蠔燒

营业中

休息中

当你开工开到好晏，而且又好肚饿既时候，最好既选择应该系油尖旺区，但对于我地呢啲新界中区既朋友实在系太遥远，好彩我地仲有大围呢个宵夜城，有打冷，烧烤，糖水，车仔面，应有尽有。蚝烧，我已经唔记得第几次食，开左几年，食物质素算系中上，而且佢每款食物都有3个口味俾你选，分别系蜜糖，沙嗲，重庆烧。照旧，大啤一支，再将纸仔拎俾店员，由于即叫即烧，都要等十零分钟。蜜糖鸡翼，系鸡翼中间介左一刀，方便入味，鸡翼唔会太干，仲有肉汁，调味整体良好。蒜蓉牛油焗金菇，牛油味无挥发得严重，蒜蓉好多，食落满口牛油味。啤酒迷必叫下酒菜，烧鱿鱼干，饮啤酒既朋友，最岩叫呢个，干身，薄肉位脆，点少少辣椒豉油，呷上一口啤酒，无可匹敌。如果你又系夜晚收工，想饮一啖收工既啤酒同埋治疗下你寂寞既胃，我非常推荐你黎蚝烧。