木子居酒屋

营业中

休息中

大围呢间木系和风居酒屋，店面虽然唔系好大，但座位阔落，楼底够高，空间感十足，仲有bar枱同tatami位，坐得舒服又有feel~~食物方面都算高质，餐牌好多选择，菜式有心机谂过，价钱亦亲民，推荐之选。🤩1️⃣鲜帆立贝肉($80)肉质鲜甜，不过可以再厚肉啲😜2️⃣寿司自选寿司🍣：葱拌吞拿鱼、三文鱼、油甘鱼、金目鲷。寿司以赤醋饭制成，配上丰富甘香味嘅刺身鱼，整体好满意。3️⃣豚肉豆苗卷($48)好奇试一试，点知有惊喜㖞💜。酱烧豚肉够香，juicy但偏重味，好彩有中间嘅豆苗令入口感觉爽口，一重一轻，两者几搭。4️⃣蕃薯并南瓜天妇罗($78)南瓜同蕃薯都好新鲜，炸粉薄身，入口酥脆但唔油腻👍混入鲜萝卜蓉嘅天妇罗汁，唔会过咸或过甜，充份中和炸物油腻感，沾天妇罗食好夹。5️⃣味醂鱼干($68)咸香鱼味浓郁，烧得刚好唔会干柴，保留到咬口，送酒一流🍻6️⃣自家制梅酒($58)诚意之作，有梅香，淡淡酒味🥃，甜度酸度啱啱好，易入口。