影片
更多
2024-01-22
1978 浏览
大围食嘢，宜家好多人都去商场，最近围方开左，更多人去。所以我试下除左火车站附近几条街，仲有咩食。揾到村屋都有一间西餐食，仲有各种牛扒卖。 今次老板比较得闲，所以我就无睇餐牌，直接问佢推荐食物，自己再拣饮品啦！ 舖头环境 芝士泡菜豚肉定食 (包沙律、餐汤、白饭)$98沙律各种沙律菜都有，唔系好肥嘅沙律酱，系类似凯撒沙律嘅醋，感觉开胃。粟米薯仔汤薯仔通常配番茄，佢呢个配粟米，有少少Cream。薯仔唔系大块切，都唔系完全薯蓉，有少少沙沙口感，不过已经感觉好Creamy。芝士泡菜豚肉本身我唔太食泡菜，因为唔钟意佢浓烈嘅味道。不过呢度泡菜用左韩国空运嘅新鲜泡菜，无防腐剂，再用芝士煮过，虽然一样有蒜味，但即刻易入口左好多，酸酸甜甜好开胃。猪肉片都唔肥，好好送饭，好快食晒碗饭。 蓝莓沙冰 $42(跟餐半价=$21)开头见到个价钱，觉得有啲贵，会想睇下佢系咩情况。跟住见到原来成座山咁高，饮慢少少，真系会泻架，所以其实下面个盘唔系装饰。好啦！睇完样，饮落去，好绵滑，完全无碎冰，仲要真系有几粒蓝莓点缀下，突然就觉得几抵
今次老板比较得闲，所以我就无睇餐牌，直接问佢推荐食物，自己再拣饮品啦！
舖头环境
芝士泡菜豚肉定食 (包沙律、餐汤、白饭)$98沙律
各种沙律菜都有，唔系好肥嘅沙律酱，系类似凯撒沙律嘅醋，感觉开胃。
粟米薯仔汤
薯仔通常配番茄，佢呢个配粟米，有少少Cream。薯仔唔系大块切，都唔系完全薯蓉，有少少沙沙口感，不过已经感觉好Creamy。
芝士泡菜豚肉本身我唔太食泡菜，因为唔钟意佢浓烈嘅味道。不过呢度泡菜用左韩国空运嘅新鲜泡菜，无防腐剂，再用芝士煮过，虽然一样有蒜味，但即刻易入口左好多，酸酸甜甜好开胃。猪肉片都唔肥，好好送饭，好快食晒碗饭。
蓝莓沙冰 $42(跟餐半价=$21)开头见到个价钱，觉得有啲贵，会想睇下佢系咩情况。跟住见到原来成座山咁高，饮慢少少，真系会泻架，所以其实下面个盘唔系装饰。好啦！睇完样，饮落去，好绵滑，完全无碎冰，仲要真系有几粒蓝莓点缀下，突然就觉得几抵。
总数$119
张贴
