榮耀餐廳 (已易手) 新餐厅

一个人做到夜妈妈放工谂住松嘅松，返到大围试下间新嘅餐厅，呢间喺村屋入面嘅餐厅。世估唔到咁好食。除咗好食之外，环境仲非常之 舒适，令到我心情放松享受一个人嘅晚餐 今晚我叫咗一个安格斯肉眼扒餐，再加一个烤香鸡沙律，而家介绍畀大家 首先系南瓜汤 。非常好味，法国少少嘅硬面包同埋香草非常可口，呢间餐厅记得饮咗汤啦 餐汤之外仲跟咗杯冻柠茶，估唔到西餐厅嘅格局竟然冲得出茶餐厅一样嘅水准 烤香鸡沙律主角嘅沙律菜，非常新鲜而且沙律酱配合得刚刚好，唔会太多啫盖咗沙律嘅味道，沙律上面嘅烤香鸡 烤得非常之香，而且鸡肉软滑一啲雪藏味都冇 主角来啦，安格斯肉眼扒拼吉烈炸虾伴意大利粉，安格斯肉眼扒要咗七成熟，软硬度刚刚好亦都冇𠮶种血淋淋嘅感觉，肉感非常丰富，吉列炸虾，炸到外皮卜卜脆里面嘅虾肉亦都非常之弹牙，意大利粉软硬度亦都非常式中，但要改善嘅系啲汁太少啦，多番啲汁会好味好多