友酒棧台式火鍋專門店

营业中

休息中

好耐好耐冇试过约朋友出街食啦，难得限聚令放宽左，梗系四出搜寻美食。不过而家好多铺头都要收早，所以好多时铺头都想食客急急脚食完，间铺先有第二轮生意。今次同朋友去大围打边炉，拣左哩间友酒栈，好在冇牛大人𠮶啲咁有时间限制。汤底由于近排食得太多热气野，所以我地今晚放弃食麻辣，试左佢个香浓蕃茄汤，同埋好清嘅野菌昆布汤。店员一开始就将个调味盘拎过黎，而且见到我朋友好似有Ｄ冻就即刻较低个冷气，贴心服务真系加哂分。不过蕃茄汤底比想像中浓，所以都唔洗点豉油。但系个昆布汤就好淡，下次都系点返麻辣～野食哩度系单点野食，质素同出面冇太大分别。如果要我拣最有惊喜，一定要数哩味熊本一口豚！出面食开都系一口牛多，而且好多时都系好鞋口，但哩个熊本猪肉就算渌左好耐，咬落去都系好爽口！另外要推介既，就系佢嘅「大大杯」系列，打边炉最紧要除左系个炉，重系野饮！我叫左杯「大大杯柠７」，原来系一大杯冰底再加两罐７喜，正！总结呢，基本上野食份量同野饮都比我想像中要大，所以点下点下都太多啦，我地三个食唔哂，我谂加多两个人都冇问题，除返会平啲，而且上野食速度都好快，店员都好主动加汤同照顾客人，所以今晚好满足！