阿爺燒鵝餐室 (已結業)

多款燒味午餐，相當平。餐廳較平民，所以價錢經濟又抵食！鍾意食燒味嘅朋友、嚟呢度真係好多選擇，有午餐、有散叫餐牌～叫咗霹靂燒腩飯$58，燒腩飯份量都多，燒腩皮香脆、肉質夠林、肥瘦適中，飯嘅份量又夠多。午餐仲可以揀兩款小食，揀咗麻辣雲耳及燻蹄。雲耳爽口辣辣地，燻蹄份量亦都多，午餐仲包免費熱飲。另外，散叫咗乳豬雙拼飯$78。乳豬又係好脆，好好食！雙拼揀咗叉燒，叉燒夠蜜汁。另外加咗鹹蛋好好食！兩個人食相當足夠！