金城小廚

营业中

休息中

星期六晚揾野食，想食d特别得来又好食既，友人提议去金城，话呢间野好出名，旧时系显径，而家搬左去海福，但一样咁多人帮衬。好彩去得早，比我地揾到一张六人枱。一坐低都未叫野食，阿姐就奉上例汤同白云凤爪。个例汤份量都唔细，我地每人饮左一碗以上，饮完唔口渴，应该冇落味精，同阿妈煲既汤差唔多。个白云凤爪虽然唔算好热，但暖暖地有𡁻口，可以接受。我地六个人叫左五个𩠌同白饭。梅菜扣肉，色香味俱全，反而我觉得有d扣肉再肥少少再好食d。炸蚝饼，松脆得来又有蚝味，唔会干争争，食完一件又想食第二件，这个𩠌师傅拿捏得恰到好处。香橙琵琶虾，有五只，只只都大大只，虾肉爽而不腻，有d似去饮既时候食既炸蟹蚶，加上香橙汁，香香甜甜，开胃又清新。琵琶豆腐，这个𩠌下过不失，冇咁干身，亦冇乜特别。胡椒猪肚鸡煲，d鸡浸系胡椒汤度，鸡肉嫩得来有鸡味，又有胡椒味，而两种味道系埋一齐并没有违和感，相反来说几好味。埋单时阿姐送上啫喱，当系饭后甜品，very good.总括来说，每个𩠌都大大碟，而其中有d𩠌煮得几有特色又好味，唔怪之得呢间茶馆虽然坐落系横街杂巷，环境不算理想，又唔系坐得特别舒服，都咁多人帮衬，真系有佢既道理。