鍋心粥底火鍋 (積存街) (已結業)

呢排肠胃有啲差，所以就拣咗食粥底火锅，谂住冇咁油腻。 食呢款粥底火锅要覆follow 佢哋嘅procedures嚟食。首先就要食晒啲海鲜，跟住落 芋头，粟米，南瓜，然后同时再煮埋啲𩠌嚟食。海鲜方面就有七款可以拣，𩠌就有廿几款可以拣。 啲海鲜畀我想像中大只好多，而且非常新鲜，尤其系啲虾，佢地仲系会跳跳下，所以店员都会提醒我哋一定要用个夹夹住佢直至佢熟为之止。 啲海鲜都好干净，因为偷望入去厨房佢哋成个工作环境都非常清爽，所以我都食得好安心。 讲番个粥底火锅先，煮完海鲜之后𠮶个粥水已经系超级正同甜， 我都忍唔住偷饮咗几碗。 煮完所有配菜之后就可以叫职员攞啲粥过嚟捞埋一齐食！ 个粥底软绵绵又鲜甜， 再加埋啲芫茜、葱 、菜谱 ,真系冇得输！