川味雞烤魚大王 (隆亨商場) (已結業)

今朝同朋友行上望夫石，回程到山脚已经中午， 沿路红梅谷道落大围揾食，过咗世界花园就到隆亨邨，在隆亨商场隆亨街市外，决定一尝川味鸡烤鱼大王，门外餐牌有可跟粉面饭的午市套餐，最后我地都系决定食鸡煲😂。我们柯打了午市火锅优惠套餐，先选全只椰子鸡煲，配料点了雪花肥牛、豆卜、响铃。店员先端上椰子汤底，煲里 铺满椰子 红枣 杞子 圆肉 南北杏，再送上一碟鸡，碟鸡都好大碟坚足料，店员说话才是令我惊喜，她说：呢到半只，仲有一碟，我真系哗一声，好大只呀～再上肥牛、豆卜、响铃。起动，店员先协助将鸡放落锅，够钟过来提示鸡可以食，打开锅盖已透出好香椰子味，饮啖汤、的确好清甜，煮鸡时间啱啱好，鸡好嫩滑有鸡味，放入豆卜慢慢煲，再食肥牛，响铃拖一拖食得，吸收晒汤汁好甜，都已经有啲饱，食埋啲豆卜，索晒汤 豆味加甜味提升浓度，真好味，最后饮埋碗汤将所有精华落晒肚。