Four X Four

营业中

休息中

朋友住大围附近，推介我试下呢边嘅餐厅，于是我地拣咗呢间隐世嘅cafe。红虾龙虾汁扁意粉 $128红虾好大只又弹牙，龙虾汁好有鲜味，扁意粉唔会太硬或太腍，每条意粉都好入味，推荐大家试👍👍👍特浓牛肝菌黑松露意大利饭配烤牛骨髓$168牛肝菌健康有益，搭配黑松露味道香浓，呢份意大利饭好浓味多汁，不过饭粒偏硬。酥炸软壳蟹 $78呢碟小食份量都好多，软壳蟹炸得好松脆，外脆内软。饮品方面拣咗芒果茉莉smoothie $48芒果同茉莉原来都几夹，虽然系沙冰但又唔系真系好冻果种沙冰，如果甜度再多少少，芒果味更加出就更好！紫薯鲜奶 $17 （半价转饮品）呢杯好靓好啱打卡，杯内紫薯有层次，仲有心型拉花，甜度刚刚好。