一錢 (已結業)

🏮大围隐世特色日本居酒屋 呢间位于大围新开嘅新派居酒屋，无论店内及店外都好有特色，店内设有大阪固力果跑人霓虹灯灯饰🏃🏻‍♂️令大家唔使去日本都系可以喺香港打个卡🤣📸🐷火炙和牛横隔膜叉烧有火炙同叉烧酱味，横膈膜烧成半熟，入口爽嫩😍好似食紧一个口感好嫩滑嘅叉烧一样！🍶清酒好易入口，唔会好苦，有淡淡果味，味道几特别！🦪炸广岛蚝好大只，真系大到好似鸡翼咁！😂炸皮系好薄脆，生蚝饱满多汁，食落去好新鲜，食嘅时候炸皮系唔会分离👍🍳明太子芝士奄列面头系满满嘅明太子酱同沙律酱，中间夹住芝士，入口质感软嫩，明太子味较多，食落去会有少少咸，减返少少酱会比较好～🦑避风塘鱿鱼好有大排档风味！一整碟都系炸蒜，沾满晒啲鱿鱼丝，食落去好惹味！黯然销魂御好烧叉烧酱味浓郁，但叉烧有少许干柴🤏地址：一钱大围积运街2-8号海福花园商场地下22号舖