小肥豬扒餐廳

营业中

休息中

呢排天气差，个天系咁落雨，激死人... 话说今日经过大围工作，仲记得以前细个去大围只系租单车踩，平时都唔会嚟呢区行街同埋揾食，既然今日专程黎到，就当然试下呢区嘅美食啦，记得过往好多人网上留言都话呢一间餐厅出名食沙爹牛肉面同埋猪扒，既然系咁当然要登门拜访，好彩仲未到中午时间，人流未开始多。舖头面积比较细得几张枱，咁唔理咁多快快食完继续开工。见到餐牌大部份都系一啲碟头饭，  既然都中午时间唯有食多少少，叫咗个葱油猪扒肠蛋饭，等咗冇耐啲饭好快上枱喇~~~ 首先，吸引我嘅唔系佢嘅卖相，系佢啲葱油香，香味已经令到人食指大动，好啦讲返个饭先，论卖相首先睇到呢一只蛋就知道唔系用镬煎㗎喇，一定唔会有脆边，多数呢啲都系用扒炉去煎，效果一定无想像之中咁好食㗎喇，香肠都系正常啦，冇乜特别都系煎香。到试下呢度出名嘅猪扒啦，佢嘅猪扒有煎炸过，为咗方便食用，佢都有剪开几段，避免猪扒会缩埋一旧，呢啲细心位都值得加分，老实讲份量就唔算好大份，但对于简简单单一餐嚟讲都好足够㗎啦，猪扒配合佢葱油汁食真系好惹味，如果有大量嘅葱就仲好。咁当然唔少得冻柠水，份量就同正常茶餐厅无分别，甜酸度都适中，正常嘢啦。埋单$54蚊，当然喺