大圍小食

营业中

休息中

早两日几个朋友上去住喺大围嘅朋友屋企玩，佢介绍我哋呢间小食老店，于是我哋就买咗一大堆小食去佢会所食。呢间小食店喺正大围港铁站对面，初初以为啲嘢食会好贵，点知原来性价比好高，超抵食！除咗平时啲街边小食，呢度仲有车仔面、狗仔粉、银针粉呢啲饱肚嘢食，呢间铺仲开到好夜，简真系大围嘅宵夜之选。我哋总共4个人，叫咗劲多小食，差啲食唔哂，最后食到超级饱。⭐煎酿三宝⭐陈皮鱼蛋⭐烧卖⭐炸大肠⭐臭豆腐⭐卤水鸡髀⭐生炸鸡髀⭐生菜鱼肉碗仔翅⭐生菜鱼皮饺⭐串烧⭐肉碎狗仔粉每样野都唔错，我最钟意佢嘅串烧，烧都好香，而串烧猪劲肉好爽口，食落一啲都唔干。卤水鸡髀就咸中带甜，腌得好入味。煎酿三宝亦都有好多款，每款都大大件，鱼肉几弹牙。碗仔翅劲大碗，所以再食的话，叫细碗就够。狗仔粉非常足料，好多冬菇、肉碎，个汤仲充满虾米味，狗仔粉份量好多，食落烟烟靭靭，几好味。呢间小食咁抵食，下次去开大围一定会再帮衬。