M3 Italian (已結業)

今日嚟大围呢边食一间意大利菜，门口招牌好抢眼，入到去见到好多圣诞节装饰，布置好有气氛～自家制面包配油醋汁呢个面包外皮少少脆，内里口感松软暖笠笠，有亚麻籽香味，配上油醋汁好开胃🥗 M3沙律 $168呢款系招牌沙律，新鲜沙律菜上面放咗鸡胸，烟三文鱼，Parma ham，仲有菠萝同金橘等水果～ 有三款酱汁任君选择：甜醋，沙律酱，胡麻酱，酸甜开胃～🐽传统西班牙烧乳猪 $288同中式乳猪唔同，西班牙烧乳猪烧到外皮香脆，里面肉质细嫩，一啲都唔油腻，入口肉香味浓，配上特制酱汁同薯菜好惹味～🍤🍝香辣蒜片大虾手制意大利粉 $178手工意粉果然不同，每日新鲜制作，口感烟韧弹牙，大虾新鲜爽口弹牙，配上辣椒🌶蒜片🧄同橄榄油非常惹味～整体食物质素正宗高质；服务员态度殷勤，会主动介绍菜式，收拾枱面同更换餐具。