影片
更多
2023-03-02
1214 浏览
夜晚想食宵夜有咩选择 除左夜茶 大排档 糖水其实都可以去食串烧 虽然香港D串烧都真系好贵😭但系想食嘅话隔几耐都要食一次 呢间串烧系楼上舖 烧完店员会系楼下拎上去比我地 好彩我地有得坐系包房入面 吹水同坐都自在D🫣 落单完都要等差唔多十几分钟先会有野食 闻到隔离台香味都忍唔住个肚系度叫😭🥩海盐烧极品牛脷芯💰32钟意食牛脷嘅人must要嗌 唔钟意食嘅都要系呢间试下！牛脷通常分两种 又薄又韧嘅日式串烧牛脷 同埋港式咖哩厚切软嫩牛脷 呢只就刚好介乎两种中间 唔系软淋淋嘅厚切牛脷 有韧劲得来又唔会特别薄身🫣表面望落油淋淋同洒满孜然粉 但系食落口完全唔油腻 肉汁好多 有D位特别黑 系焦香味特别重😙🍗爆串·烧谷饲鸡肾💰18呢个真系名副其实爆串 一串可以串满成支竹签 如果冇试过其实鸡肾同鸡软骨口感好似 都系脆身嘅带有小小肉嘅口感 呢间孜然味道分布均匀 每粒都可以食到香料味道 加埋热辣辣烧完嘅鸡肾 味道升华左好多😍🍆烧原条蒜香茄子💰38成日见人串烧一定会食茄子 见到实物终于会明点解要嗌 原条茄子铺开面积都几大 抹满调味同蒜粒后烧 攞筷子夹个阵小心茄肉同皮分离左 皮嘅部分烧到好薄好焦脆 但系斋食就冇咩味
夜晚想食宵夜有咩选择 除左夜茶 大排档 糖水其实都可以去食串烧 虽然香港D串烧都真系好贵😭但系想食嘅话隔几耐都要食一次 呢间串烧系楼上舖 烧完店员会系楼下拎上去比我地 好彩我地有得坐系包房入面 吹水同坐都自在D🫣 落单完都要等差唔多十几分钟先会有野食 闻到隔离台香味都忍唔住个肚系度叫😭
🥩海盐烧极品牛脷芯
💰32
钟意食牛脷嘅人must要嗌 唔钟意食嘅都要系呢间试下！牛脷通常分两种 又薄又韧嘅日式串烧牛脷 同埋港式咖哩厚切软嫩牛脷 呢只就刚好介乎两种中间 唔系软淋淋嘅厚切牛脷 有韧劲得来又唔会特别薄身🫣表面望落油淋淋同洒满孜然粉 但系食落口完全唔油腻 肉汁好多 有D位特别黑 系焦香味特别重😙
🍗爆串·烧谷饲鸡肾💰18
呢个真系名副其实爆串 一串可以串满成支竹签 如果冇试过其实鸡肾同鸡软骨口感好似 都系脆身嘅带有小小肉嘅口感 呢间孜然味道分布均匀 每粒都可以食到香料味道 加埋热辣辣烧完嘅鸡肾 味道升华左好多😍
🍆烧原条蒜香茄子
💰38
成日见人串烧一定会食茄子 见到实物终于会明点解要嗌 原条茄子铺开面积都几大 抹满调味同蒜粒后烧 攞筷子夹个阵小心茄肉同皮分离左 皮嘅部分烧到好薄好焦脆 但系斋食就冇咩味 尽量连埋茄肉一齐食！好多汁水系茄子入面 所以除左调料香味仲有茄子本身嘅香甜味😙
🍳厚烧玉子
💰16
食玉子烧一定要去串烧舖食！我就冇见过咁大、厚、粗嘅玉子烧！唔知有冇人同我一样钟意食厚身D冇咁多水又唔会散嘅玉子 寿司郎个只太多水分甜得济🥺呢只表面似腐皮寿司 烧得焦香 咬开可以见到有四层 但系完全唔会自己散开 整体系蛋香甜味 真系一定要试呢只！！
🍗烧明太子酿鸡翼
💰32（2只）
鸡翼系无骨状态 入面塞满左明太子粒 表面搽左D蜜糖所以甜甜地 但系一咬开就即刻爆馅 内里嘅粉红色明太子粒粒会喷出来 比较偏咸不过都值得一试！
🍣烧鸡泡鱼干
💰48
日式居酒屋来讲呢个系必叫嘅下酒菜 但系呢间港式串烧都烧得刚好！鱼干条嘅厚度可观 唔系m记薯条个只🤣啱啱烧出来仲系热辣辣 咬开一小块都好厚身 点上蛋黄酱就升级滋味啦🫣
🥬烧牛油杂锦锡纸包
💰42
虽然系素菜 但系素菜整到咁好食都少见 一上来我地就闻到牛油嘅香味 甜甜地嘅感觉渗满成间包房！入面有金菇 鸡腗菇 冬菇同娃娃菜 带有油脂香嘅蔬菜冇咁单调 仲令我地食多左菜🤣
🍖秘制羊肩肉串
💰48（2串）
羊肉好大同好厚 系四方体嘅形状 冇咩膻味 但系就略嫌肉质太实冇乜汁水🥲
🍜三重芝士稻庭乌冬
💰28
乌冬系最后上来 虽然望落好细 但系我地都即刻松左啖气🤣因为食到最尾冇可能食一大碗 呢只乌冬真系高质D个只 唔系打边炉用嘅圆形 扁身嘅同时口感更佳弹牙 配上炙烧过半融嘅芝士 捞匀真系冇得顶！
🍖烟肉芝士肠卷
💰22
一串有4粒都真系几高性价比！出面用烧得焦脆嘅烟肉包裹著入面微微爆汁嘅芝士肠 双重加工肉嘅组合虽然好邪恶但系都超惹味🫢
🥓烧猪颈肉
💰32
猪颈肉一开始食唔出系猪颈嘅质感 以为系其他肉 因为佢脂肪比例唔算太高 所以冇一咬落去就喷油嘅feel 虽然系咁 但系加埋调料同肉本身有嘅肉汁 呢只超出左一半我地对猪颈肉嘅印象 好味！
🦴烧鸡软骨
💰16（2串）
鸡软骨正常发挥 串烧必食！
🍗烧鸡肉串
💰14（2串）
呢只比较似donki卖个只日式串烧鸡肉 偏甜所以唔系好啱我口味 但系唔差！
嗌野食个阵因为肚饿所以完全冇顾及价钱同份量 嗌左好多串 虽然食得好爽🫢但系银包就流晒眼泪啦🤣但系呢度味道真系唔错 香料特别唔错！
📌 大围168串宵 (大围)
大围积存街32号地下B号舖
张贴
