在家居酒屋 (已結業)

在家居酒屋 (大围)📇地址：大围下径口村154号地舖🕐营业时间：11:30-15:00，18:00-23:00💸人均消费：～$150/人(lunch)👏🏻抵赞位：日式居酒屋黎讲，佢set个价钱算好亲民。Lunch set嘅三文鱼+帆立贝+赤虾丼($138)同埋叉烧豚肉丼($68)送沙律同埋面豉汤，另外叫左在家七色卷($98)、烧油甘鱼骹($88)、赤虾刺身(两只$68)炸墨鱼咀($68)。啲野食质量绝对对得住呢个价钱，丼饭超大碗饭，刺身都好新鲜同大旧。七色卷卖相好靓，每旧饭同上面嘅刺身都好大旧，我食左5旧都好饱，食落亦都有惊喜，好fresh。炸墨鱼咀喺出面日本餐厅都好少食到，以为唔会好多，成上到枱个一兜仔系有成30粒咁济，啱啱炸起脆卜卜，墨鱼咀又有𡁻头，值得一试😛😯有待改善位：因为喺一排嘅餐厅最尾嘅位，可以喺外面整个大啲显眼少少嘅招牌，等未去到帮衬嘅客人易揾间铺头少少😉😼私心回应区：上网睇到呢间居酒屋，想试下新野，同左爷爷嫲嫲去食，两老话啲野食无乜味精，食完唔觉口渴，有用心制作嘅小店同商场嘅连锁日本餐厅系食得出有分别嘅😚 同埋无加一，呢个抵赞😌