影片
更多
2014-11-25
2111 浏览
放假时要去覆诊 ，去到中环未食午餐！好在已过了午餐高峰期，揾位唔难，一向都喜欢池记个汤底！去到人潮散紧，店员指示我上一楼，坐一张二人枱！虽然唔使等位，上去见到都爆场，环境装修几有心思，中式但唔老土，深木家私配红色墙，加啲中式摆设！中式得几舒服！不过我个位好近洗碗位，全餐饭都听住「兵玲嘭冷」由盘倒出碗碟嘅声，好嘈吵！ 枱垫就系午餐餐牌，我唔系太肚饿，叫个A餐「云吞面」，加油菜「蚝油冬菇」，店员问我要唔要加$5餐饮，可以豆浆或薏米水，我拣「热薏米水」！然后一阵之后另一个店员就放低单据。食物好快上了！ 蚝油冬菇：有5大只，厚肉，忟得入味，啖啖肉，虽然话蚝油，但酱汁唔会一团啡色，系清澈嘅蚝油味，加上葱花香味，好好食！ 云吞面：面响面，云吞响底，话咁样就唔会令啲面咁快淋，饮一啖清澈嘅汤，好清甜大地鱼味，有4粒云吞，唔大只，一啖一粒！皮好薄但唔会烂，中虾爽口，咬开见到虾之外，仲有大地鱼碎，不过见唔到猪肉，无肉味，只有虾嘅爽，比较寡！面质爽口，可能爽口就唔索汤，所以净食会无乜味，要连汤一齐食先好味！ 薏米水：大杯够热！带姜味，唔会好甜，饮完成身暖晒！秋冬暖啱！店员超级勤快，个个都上了摩打一
枱垫就系午餐餐牌，我唔系太肚饿，叫个A餐「云吞面」，加油菜「蚝油冬菇」，店员问我要唔要加$5餐饮，可以豆浆或薏米水，我拣「热薏米水」！然后一阵之后另一个店员就放低单据。食物好快上了！
蚝油冬菇：有5大只，厚肉，忟得入味，啖啖肉，虽然话蚝油，但酱汁唔会一团啡色，系清澈嘅蚝油味，加上葱花香味，好好食！
云吞面：面响面，云吞响底，话咁样就唔会令啲面咁快淋，饮一啖清澈嘅汤，好清甜大地鱼味，有4粒云吞，唔大只，一啖一粒！皮好薄但唔会烂，中虾爽口，咬开见到虾之外，仲有大地鱼碎，不过见唔到猪肉，无肉味，只有虾嘅爽，比较寡！面质爽口，可能爽口就唔索汤，所以净食会无乜味，要连汤一齐食先好味！
薏米水：大杯够热！带姜味，唔会好甜，饮完成身暖晒！秋冬暖啱！
店员超级勤快，个个都上了摩打一样！ 不过唔会无礼貌，食紧时店员要移动我旁边张枱，都会同我讲一声，跌嘢又会讲唔好意思，唔会赶就对客粗声粗气！
张贴
