睿居酒屋 (已結業)

相约好友晚餐, 拣咗呢间日式料理 - 睿, 皆因佢 嘅有串烧, 又有寿司食, 一次过就满足晒我同朋友嘅胃口。柑桔醋配海蜇$88 海蜇切得幼细, 清爽弹牙, 加上酸酸地嘅柑桔醋, 刺激味蕾。芦笋豚肉卷 $38 豚肉调味适中, 芦笋爽嫩多汁, 两者配合得天衣无缝, 正呀！牛油果串烧 $35 牛油果肉烧过后仍保持柔滑口感, 加上木鱼丝同少少酱油, 简单却美味。鲍鱼串烧 $68 鲍鱼烧得恰到好处, 肉质有回弹力, 又很唔会太韧, 嚼感十足。烧茄子 $68 茄子肉水分充足, 食落软绵绵。吞拿鱼三贯 $198 一次过食晒大拖罗, 中拖罗同赤身, 赤身脂肪最少, 但肉味很重, 细味回甘, 大拖罗当然系油脂最丰富, 肉质极为柔软, 入口油香四溢, 令人回味无穷。油甘鱼寿司 $70 油甘鱼肥美厚肉, 肉质油滑, 富有弹性。北海三贯 $148 牡丹虾系我的最爱, 虾肉润泽透光, 口感滑嫩, 鲜甜味突出, 用料果然有质素。