正宗印度餐廳及酒吧 (銅鑼灣道)

营业中

休息中

喺大坑有好多嘅食肆，呢次就试咗呢间正宗印度餐厅及酒吧，佢哋用左蓝色同黄色作主调，干净又光猛，坐得都几舒服。餐前小食：胡椒薄脆，佢仲提供左4款不同口味嘅酱汁。咖喱角：印度嘅咖喱角同香港嘅好唔同，佢哋系无咖喱味，同埋大只好多。佢哋呢度系即点即炸，所以每只都新鲜热辣，佢哋有两款分别系羊肉或者杂菜。外皮酥脆，入面包住满满肉汁嘅羊肉碎，可以加佢哋提供嘅印度特色嘅酱汁。玛沙拉咖喱鸡：嚟到印度餐厅就当然要食咖喱啦！佢有好多款不同口味嘅咖喱，亦可以配不同嘅肉类或者杂菜，我哋呢次就叫左客玛沙拉咖喱鸡，讲起玛沙拉其实系一种混合嘅香料，各家各户嘅配方都会有所不同，而用玛沙拉整嘅咖喱更为一绝，只要用姜黄、椰奶同埋玛沙拉同埋鸡就能结合出浓醇辛香的咖哩鸡。蒜蓉薄饼：即点即烤，喺薄饼入面有阵阵蒜味，用嚟蘸咖喱就最啱。