兩草 (銅鑼灣道) (已結業)

已经转左亲舖，唔系星期日中午黎食要排一阵队，餐厅入面有几张圆枱，所以同两三个朋友黎食一定要搭枱的。小店都系主打几样食物，唔系好多选择。我地两个人叫左3样比较出名既野食。就系香煎蛋脆边煎肉饼饭，蛋炒肠粉同肉骨茶。本身见到出面玻璃d相有介绍马来黑咖啡，好想试，不过佢话已经无卖。咁讲返碗饭，其实好细碗，不过$30都预左系细碗既。个蛋煎得好靓，岩岩好个碗既size系好吸晴既。但个肉饼唔算煎得好香，好似只系煎左几下咁，唔够香口，大坑有间茶餐厅都有煎肉饼饭仲好食。不过最重要佢有d秘制捞饭豉油就好正喇，枱上仲有一支比你任加，所以都算满足。蛋肠粉一碗都算多，岩岩炒起好热好好味，而且炒得好香，我再加埋捞饭豉油食，更加正。肉骨茶唔算出色，一碗入面有3条骨，但d骨系无色无味既，要自己点返枱上既豉油食，同出面唔同，出面多数骨都入哂味唔洗点酱油既。今次无试佢另一个招牌滑蛋叉烧饭，因为觉得好普通。依家好多餐厅都有得食。