麦先

营业中

休息中

家住大坑附近，自从拉面来关店后，有时口痕都好想食下拉面，觉得大坑呢个社区欠缺一间拉面店，所以一听到大坑有新拉面店就好开心，就好想试下。但系店舖每日有限定数量，基本上午市1点后卖完就没有了。今次有备而来，6点钟刚好就落楼排队，店内已入了一转客，前面仲有5-6位客。基本上好似做埋我身后几位客人就无再收客了，大家留意啦。讲返个面，分量比较少，但香港来讲都唔算太贵，我叫了一块叉烧$78既酱油拉面。其实加多$20就有多3块叉烧，都几抵。糖心蛋亦系俾全蛋。限定小食暂时无提供，唯有下次再试。个面条唔算太粗，比较啱我个人口感。汤底亦唔算太油腻同咸，味道唔错。适逢落雨天，排队同时要喂蚊。舖位属内街，的确有日本小店感觉。本人都系比较喜欢日本博多猪骨汤口味既拉面，不过难得住附近我会等热潮过后再访，当early dinner食。