影片
更多
2023-01-27
655 浏览
Cookie Vission📍大坑浣纱街6号全兴楼地舖呢日同朋友去到天后揾食，佢一直好想同我一齐试下一间佢bookmark咗好耐嘅cookie店，所以当我哋几经辛苦揾到间铺，佢就拣拣拣，拣咗好多个冬甩同曲奇！见到佢拣得咁开心，我都好开心，好多谢佢成日山长水远都带我去食好嘢，氹我开心！ 💰$50Matcha Macadamia Cookie 🍪 呢度嘅曲奇其实一啲都唔平，挽起手都要几十蚊一块，但就好似呢款抹茶夏威夷果仁曲奇咁，用料非常足，除咗每一啖都食到大大粒嘅夏威夷果仁之外，抹茶味亦非常浓，食到中间仲发现佢劲moist，系流心嘅，有别于一般嘅软曲奇，好特别，好好味！ 💰$40Peanut Butter Jelly Cookie 🍪 同样系软曲奇，呢款classic嘅花生酱果酱口味比较适合外国人，因为就算我咁重口味都觉得有啲过甜过份油腻，食一角仔都已经好济，但味道嚟讲真系算唔错，好食嘅！ 💰$65Pistachio Donut 🍩 全场最好食嘅一定系呢个开心果冬甩！真系值得五粒星，难怪佢系全场最贵啦！我未食过有咁多馅嘅冬甩，感觉就好似食紧一个爆晒馅嘅软身面包咁，而且冬甩面嘅开心果都好正，
📍大坑浣纱街6号全兴楼地舖
呢日同朋友去到天后揾食，佢一直好想同我一齐试下一间佢bookmark咗好耐嘅cookie店，所以当我哋几经辛苦揾到间铺，佢就拣拣拣，拣咗好多个冬甩同曲奇！见到佢拣得咁开心，我都好开心，好多谢佢成日山长水远都带我去食好嘢，氹我开心！
[价钱 Price]
💰$50
Matcha Macadamia Cookie 🍪
呢度嘅曲奇其实一啲都唔平，挽起手都要几十蚊一块，但就好似呢款抹茶夏威夷果仁曲奇咁，用料非常足，除咗每一啖都食到大大粒嘅夏威夷果仁之外，抹茶味亦非常浓，食到中间仲发现佢劲moist，系流心嘅，有别于一般嘅软曲奇，好特别，好好味！
[价钱 Price]
💰$40
Peanut Butter Jelly Cookie 🍪
同样系软曲奇，呢款classic嘅花生酱果酱口味比较适合外国人，因为就算我咁重口味都觉得有啲过甜过份油腻，食一角仔都已经好济，但味道嚟讲真系算唔错，好食嘅！
[价钱 Price]
💰$65
Pistachio Donut 🍩
全场最好食嘅一定系呢个开心果冬甩！真系值得五粒星，难怪佢系全场最贵啦！我未食过有咁多馅嘅冬甩，感觉就好似食紧一个爆晒馅嘅软身面包咁，而且冬甩面嘅开心果都好正，真系超级无敌好食！虽然开心果味未去到香喷喷满泻，但个内馅食落劲creamy，真系一人一个都嫌少，非常推介！
[价钱 Price]
💰$35
Chocolate Mint Donut (Old Fashioned) 🍩
讲完好嘅，就要介绍吓呢款无咁好食嘅冬甩啦。我同朋友都谂住拣一款festive少少嘅冬甩应节，但估唔到上面嘅frosting真系好甜，甜到甩牙，而且呢只冬甩比较易散，相比之下就觉得好普通，但考虑到价钱，都算系不过不失嘅！
[价钱 Price]
💰$45
Chocolate Orange Donut 🍩
最后一款就系朱古力橙味冬甩啦，佢同开心果冬甩一样，都系有劲多馅嘅，但佢嘅朱古力馅唔系我钟意、偏苦𠮶种，有少少甜得济。橙味唔算突出，但都算几好食，唔同开心果𠮶款比较，应该都俾到四粒星嘅！
张贴
