炳記茶檔

营业中

休息中

嚟到大坑附近,咁就去炳记茶档食啲嘢,当日食客唔少,我哋就晌后巷𠮶边坐,晌呢种地踎茶档都唔会对环境有乜嘢特别期望.我哋叫咗冻奶茶同热奶茶,茶底比之前食过嘅某某茶餐厅香浓啲啲,奶亦都算顺滑.我其实唔系太肚饿,所以只系食咗份火腿蛋三文治,蛋煎得有啲啲嚡,不过烘底面包都几脆身香口嘅.朋友嘅猪扒红肠面,猪扒爽脆有黑椒香,油份可以接受,当中仲有啲生菜,食返少少菜个感觉好似健康啲.虽然系晌后巷,不过卫生唔错,冇臭味冇污水,而且呢种咁有香港特式嘅茶档已经买少见少,系值得支持下嘅.