影片
更多
2024-03-04
101 浏览
生日饭一餐接一餐，今次约咗旧同事去大坑做下贵妇食Brunch！呢间餐厅喺精品酒店入面，装修走三十年代百老汇风格，黑色墙身配白色墙砖，加埋木枱同灰皮凳，☺️relax而不失时代感，室内楼底高，日光充足，感觉好舒服！😌好啱放假瞓到自然醒再去chill下！虽然餐厅走中高价位，不过Brunch套餐性价比都几高下，$228/位有4道前菜畀两个人share食，一个主食，一份甜品同餐饮。🤗每一道前菜份量都好足，只食前菜都回本！而主菜都无因为系Brunch而减少，呢个餐其实可以当Breakfast+Lunch+Tea一齐食，好饱饱～前菜🍈巴马火腿配蜜瓜咸香嘅Parma Ham配清甜嘅蜜瓜几时都系咁醒神开胃！🥗烟熏三文鱼凯撒沙律烟熏三文鱼整成一丝丝捞落啲沙律菜度，比起一片片无咁咸，更易入口，而且沙律菜加咗好多芝士粉，一样咁开胃！🥑芋头片配牛油果蓉芋头片炸得好爽脆，但干身唔油腻，沾埋有少少辣嘅牛油果酱一齐食，感觉比食薯片健康呢！如果Happy Hour有杯酒，应该可以食唔停！🥗卡布里沙律卡布里沙律有水牛芝士、蕃茄仔、果仁碎同牛油果酱捞埋，虽然无凯撒沙律咁清新，但口感更有层次，系两种唔同嘅味道！🧀黑松露芝士巴
虽然餐厅走中高价位，不过Brunch套餐性价比都几高下，$228/位有4道前菜畀两个人share食，一个主食，一份甜品同餐饮。🤗每一道前菜份量都好足，只食前菜都回本！而主菜都无因为系Brunch而减少，呢个餐其实可以当Breakfast+Lunch+Tea一齐食，好饱饱～
前菜
🍈巴马火腿配蜜瓜
咸香嘅Parma Ham配清甜嘅蜜瓜几时都系咁醒神开胃！
🥗烟熏三文鱼凯撒沙律
烟熏三文鱼整成一丝丝捞落啲沙律菜度，比起一片片无咁咸，更易入口，而且沙律菜加咗好多芝士粉，一样咁开胃！
🥑芋头片配牛油果蓉
芋头片炸得好爽脆，但干身唔油腻，沾埋有少少辣嘅牛油果酱一齐食，感觉比食薯片健康呢！如果Happy Hour有杯酒，应该可以食唔停！
🥗卡布里沙律
卡布里沙律有水牛芝士、蕃茄仔、果仁碎同牛油果酱捞埋，虽然无凯撒沙律咁清新，但口感更有层次，系两种唔同嘅味道！
🧀黑松露芝士巴马火腿多士
多士细细件，烘底嘅多士松化脆口，入面有Mozzarella芝士同Parma Ham，咸香十足，而且好香黑松露味，浓而不腻，呢个size我觉得啱啱好！
主食
🐟香煎比目鱼配芒果莎莎
比目鱼好厚肉，鱼肉嫩滑无雪味，配埋芒果嘅清甜，够fresh！
🐷慢煮猪鞍配杂菜
猪鞍一样好厚肉，而且煎到好腍几香口。最欣赏嘅系绵密嘅南瓜蓉同爽脆嘅蔬菜，无咩油又解腻！
💥芝士蛋糕
芝士蛋糕一啖食晒，加埋伴碟嘅爆炸糖嘅刺激，可以满足食甜品嘅愿望又唔会太多，非常好！
张贴
