八寸料亭

营业中

休息中

系观塘放工过海都十分方便，大坑个头出名食日本野，好多好authentic 既日本餐厅都会系个到开。一入到店面就feel 到日本传统居酒屋既和式风味。睇番OpenRice 话呢到出名食omakase 厨师发板，还掂返工好攰唔谂太多，由大厨决定仲恰当。蕃茄沙律作为前菜最适合不过，味道带酸甜酸甜，连本身冇咩胃口既我都想食多啲野。另一道前菜都系开胃菜，系我地平常讲开既海蜇，当然亦称为水母。入口酸味较重，水母丝爽口清新，呢两道菜都系ready for 你迎接之后既菜。刺身拼盘种类多，好多出面日本餐厅比较罕见既刺身类别呢到都有，拖罗、深海池鱼、黑鯥鱼、莹光乌贼等，而且质素拍得住其他高档既日本餐厅。其中最特别系鲷鱼白子，佢原来系鲷鱼既精子，听落去好似好有趣咁。白子入口唔腥，肥美甘甜。蔬菜天妇罗入口热辣辣，我地亲眼睇住佢新鲜炸起。粉浆唔会过厚，亦都唔会炸到过哂火，菇类咬落去仲有汁唔会干哂。鲔颊肉系攞左吞拿鱼面颊既肉，比鱼腩部位更爽口，因带有筋而富有弹性，佢麻油味比较突出但同吞拿鱼既鲜味好夹。值得一赞系呢到服务周到，店员好有礼貌！平日黎人流唔多，希望多啲人发掘下呢边既餐厅啦。