影片
更多
2022-08-28
288 浏览
最近有好多川菜餐厅喺荃湾插旗，呢间千色汇嘅十二味已经系荃湾第二间分店，全港分店更超过20间！屋企人食过午市套餐，价错由$48到$73不等，性价比高！今次嚟食晚餐，餐厅装修簇新，楼底高，座位、通道宽敞，整体感觉舒适！座位多为4人卡位，全间餐厅可以容纳大概四、五十人！坐低就见到餐厅提供印有熊猫图案嘅口罩套，埋单仲见到收银处有个充电器租借站，服务几贴心！➺➺人见人爱酸菜鱼$248呢个1至2人份量嘅酸菜鱼，一上枱就好吸睛，因为份量真系好多，有大量调味料：芫荽、芝麻、胡椒、菊花，仲有莴笋、酸菜等配菜，鱼块份量唔少，整体结实唔松散，食落仲几滑溜！但系印象最深刻系第一啖饮嘅酸辣汤，洋溢着菊花嘅清香！以前食酸菜鱼印象中系冇加菊花，但系原来加咗菊花系会画龙点睛！自己本身唔算食得辣，今次叫小辣觉得唔算好辣，下次可以挑战中辣！➺➺葱油拌面$38份量都系好多，几抵食，炸过嘅葱干身好香口，面条绵长，均匀沾染酱油，味道唔算浓烈，食完唔会口干干想饮水！➺➺热情果梳打$28只杯嘅size完全系出面饮生啤啤酒杯嘅大小，超过500 ml，见到又系会惊呼好大杯！因为百香果酱沉晒喺底，而梳打水份量好多，饮之前一定要搅匀，先可
今次嚟食晚餐，餐厅装修簇新，楼底高，座位、通道宽敞，整体感觉舒适！座位多为4人卡位，全间餐厅可以容纳大概四、五十人！坐低就见到餐厅提供印有熊猫图案嘅口罩套，埋单仲见到收银处有个充电器租借站，服务几贴心！
➺➺人见人爱酸菜鱼$248
呢个1至2人份量嘅酸菜鱼，一上枱就好吸睛，因为份量真系好多，有大量调味料：芫荽、芝麻、胡椒、菊花，仲有莴笋、酸菜等配菜，鱼块份量唔少，整体结实唔松散，食落仲几滑溜！但系印象最深刻系第一啖饮嘅酸辣汤，洋溢着菊花嘅清香！以前食酸菜鱼印象中系冇加菊花，但系原来加咗菊花系会画龙点睛！自己本身唔算食得辣，今次叫小辣觉得唔算好辣，下次可以挑战中辣！
➺➺葱油拌面$38
份量都系好多，几抵食，炸过嘅葱干身好香口，面条绵长，均匀沾染酱油，味道唔算浓烈，食完唔会口干干想饮水！
➺➺热情果梳打$28
只杯嘅size完全系出面饮生啤啤酒杯嘅大小，超过500 ml，见到又系会惊呼好大杯！因为百香果酱沉晒喺底，而梳打水份量好多，饮之前一定要搅匀，先可以饮到整体味道！食辣嘢一定要饮有汽饮品！
** 设加一服务收费
张贴
