Noc Noc

营业中

休息中

今日同朋友系大埔周围行，发现呢间Nocnoc餐厅好Chill咁，于是就入左黎试下。佢其实系一间bar and restaurant黎，岩哂一班人想饮住酒、食住野吹水。咁我同朋友今晚就冇饮酒，净系嗌左野食。我朋友系美国试过墨西哥铁板牛柳，想再试番，我就跟佢嗌左个墨西哥铁板烤鸡。佢既食法系用一块煎饼包住块肉、saurce 同埋其他配菜，唔会净系得肉咁寡，岩哂重口味既人。我地仲加钱嗌左两份餐汤及餐包。餐汤系每日唔同，今日呢款南瓜汤都几好，清清地，几易入口。我地之后仲嗌左份鸡翼三重奏，系三份唔同既鸡翼食法。有用wasabi酱整成既鸡翼、有一款系用中式酱整成既鸡翼，最后一款系炸鸡翼，三款都非常好食，诚意推介。