芝加哥串燒酒場 (太和中心)

辛苦咗一個禮拜又到 Happy Friday，放工當然要同朋友Happy Hours 啦，好耐無食串燒，所以近近地就黎左芝加哥。Frozen Beer 系列超級正，綿綿碎冰嘅口感又爽又冰涼，炎炎夏日飲真係冇得頂。茄子燒應該係串燒店嘅人氣美食，茄子夠哂多孜然同蒜蓉，非常惹味濃郁。燒尖椒同燒鮮白鱔啖啖肉，自從有次喺度試過燒白鱔之後深深愛上咗佢，所以每次嚟都必定會叫。另外仲有好多串燒我都好鍾意，有燒鮑魚、燒原隻魷魚、燒帆立貝、安格斯牛肉露筍、金菇羊肉卷、燒多春魚等等。