老馮茶居 (海寶花園)

初初一开始系比呢度嘅装修吸引，加上兵仔本人又好钟意食点心，当然要嚟一试啦！除咗必食嘅烧卖，其实都仲试咗好多唔同嘅点心，例如牛柏叶、排骨等等，全部都系高水准！另外都有睇佢有啲咩特别推介，都仲有试虾饺、腐皮卷呢啲，点心主要都系新鲜滚热辣出炉，同埋全都食得出系用心制作！虾饺皮薄馅靓，入面啲虾大大粒又新鲜，腐皮卷都系好足料！砵仔蒸饭我都十分推荐，肉饼饭都系，肉质鲜嫩又松软，而我最钟意都系虾酱蒸腩仔饭，腩仔肥瘦适中，虾酱味道亦都令到成个饭嘅味道有一份咸香，非常惹味！系一间装修靓嘢食又好味嘅茶居！颁发军阶：元帅🎖🎖🎖🎖🎖