水門雞飯 (汀角路) (已結業)

其实大埔东南亚菜为数唔多，但天气热到唔太想出远门又想食既时候，好多时候都会黎呢度开饭。因为抵食，同埋似有冷气既大排档。泰式猪手饭：想讲猪手既份量都几大，猪手既质地会系相对淋身个款，皮肉好易就分离，捞埋饭到食几好，白饭可以硬身多少少就更好。另外跟餐加既芥菜苗几爽脆，唔会有苦涩味，面头会有马拉盏肉碎，开胃得黎个量几大。男人叫咗大虾泰式炒金边粉：差唔多次次黎都会叫呢个，因为几还原到泰国既味道。主要炒粉本身会系有火气，同埋虾肉弹牙，炒到干身基本上无得输。另外跟餐男人叫咗胡椒单骨鸡翼，鸡翼系焦脆个款，同埋几入味，有送酒小食feel。菠萝沙冰：沙冰菠萝味几浓，会比较甜。洛神花茶：洛神花酸度岩岩好，其实味道真心似山楂茶。Overall两个人有主食+小食+野饮，$200内埋单，区内叫几有性价比。