影片
更多
2017-12-04
1374 浏览
屋企附近呢间人气Cafe，经过左好多次，但我又想食咸食又想食窝夫又怕食唔晒，都系冇食到，最终朋友今日大陆放工落嚟陪我食！今晚客人都几多，有九成客，好彩仲有位唔驶等。舖面唔系大，中间有个大型水吧。嘢食啱年轻人口味多啲，老人家未必啱食，场内都唔见有老人家。我哋都算系年轻人，嘢食都几啱我同朋友口味。【绿茶鲜奶$36】因为俾餐牌幅相吸引，所以我哋两个都叫左呢个。构图好可爱，有少少似三眼仔，一上枱未饮就要相机饮先，丧影相！！！绿茶味同奶味都好浓好平衡，唔驶加糖，甜度啱啱好！【软壳蟹黑松露忌廉意粉$108】呢个系我近年食过最好食嘅软壳蟹，上枱时好香炸蟹味。摆得好有气势，外皮松脆，难得里面有唔少蟹肉，够饱满、胀卜卜（近年食好多都系主要得个壳，入面冇乜肉，好奇怪）。意粉煮得烟韧，酱汁creamy，面头亦有好多黑松露，满晒黑色点点。呢道菜会系我翻食首选！【手作特级和牛汉堡$98】点餐时店员问驶唔驶开半，又几贴心，我成日都切得好肉酸！芝士半溶，汉堡扒亦几厚，味道系唔错，但系就食唔出牛味特别浓郁或者油脂特别丰富。【紫薯窝夫$82】好少见到窝夫配紫薯，即刻要点一客！面头有一粒粒小蕃薯同士多啤梨，窝夫呈心型状，
舖面唔系大，中间有个大型水吧。
嘢食啱年轻人口味多啲，老人家未必啱食，场内都唔见有老人家。我哋都算系年轻人，嘢食都几啱我同朋友口味。【绿茶鲜奶$36】
因为俾餐牌幅相吸引，所以我哋两个都叫左呢个。构图好可爱，有少少似三眼仔，一上枱未饮就要相机饮先，丧影相！！！绿茶味同奶味都好浓好平衡，唔驶加糖，甜度啱啱好！
【软壳蟹黑松露忌廉意粉$108】
呢个系我近年食过最好食嘅软壳蟹，上枱时好香炸蟹味。摆得好有气势，外皮松脆，难得里面有唔少蟹肉，够饱满、胀卜卜（近年食好多都系主要得个壳，入面冇乜肉，好奇怪）。意粉煮得烟韧，酱汁creamy，面头亦有好多黑松露，满晒黑色点点。呢道菜会系我翻食首选！
软壳蟹黑松露忌廉意粉
$108
22 浏览
0 赞好
0 留言
【手作特级和牛汉堡$98】
点餐时店员问驶唔驶开半，又几贴心，我成日都切得好肉酸！芝士半溶，汉堡扒亦几厚，味道系唔错，但系就食唔出牛味特别浓郁或者油脂特别丰富。
【紫薯窝夫$82】
好少见到窝夫配紫薯，即刻要点一客！面头有一粒粒小蕃薯同士多啤梨，窝夫呈心型状，够脆但冇乜蛋香。雪糕得一球，唔多够蘸窝夫，其他口味有两球雪糕会好啲！
做左呢个有九折，即系唔驶加一!
埋单后仲有coupon送返下次用，仲可以抽奖。
亦都有吸印仔换食品。
睇返午餐都系$68-78，下午茶$35-45，仲包餐饮，确系几抵咁。下次自己一个人都可以嚟呢度食个tea或lunch，行远少少，唔驶成日喺太和商场食啦，食到闷了！
张贴
