A8's Cafe (已結業)

今晚同屋企人食饭，嚟左A8's Cafe，屋企人之前嚟食过Tea觉得几抵食，话不如试吓晚餐。里面装修都OK，比茶餐厅靓啲，阔落啲!睇下餐牌，啲野食都几平吓，沙律、肉类、汉堡、烩饭、意粉加$15可以升级转套餐，有餐汤同餐饮。每周都会更新「本周厨师精选」，其实就系喺主餐牌拣八款嘢食做套餐，今个星期系$56-138，包迷你牛角包、厨师汤同餐饮，好似抵啲，又见啱食，我哋叫左两款「本周厨师精选」。餐饮又可以加钱转其他特饮。餐汤系杂菜红汤，水准一般，唔够热。迷你牛角包都唔算迷你，几大个，有牛油香味，微暖。【烟三文鱼田园沙律餐$56】成日暴饮暴食，今晚叫左个沙律餐。一上枱「哗~」一声，好巨型，又大又多。有三件烟三文鱼，好大块，急不及待食左一块先。奇怪个沙律唔系沙律菜，而系温室豆苗、车厘茄、菠萝、黄色同绿色Zucchini，间中转吓口味都ok嘅。【招牌蜜糖芥末焗德国咸猪手餐$138】又系超大份，睇见已经好饱。外皮烧到好脆，仲脆到爆开。因为太大件有啲难切，店员都乐意帮我送返入厨房，叫厨房帮手切，好快就切好晒出嚟喇~切开就见到有一层脂肪层，好肥美，肉质烟韧，肉色粉嫩，唔会过嚡。蜜糖芥末酱必蘸，几香蜜糖味，