東記上海麵

营业中

休息中

东记上海面，喺大埔开业多年，之前嘅舖位一路喺街市上面，依家开咗分店喺广福道。假期晚上去，唔算多人，亦都唔使排队，即刻点返佢嘅名物就系炸猪扒同埋炸鸡翼啦。炸猪扒上枱嘅时候大大份，比较厚身，可惜唔系新鲜炸起，虽然猪扒炸得比较脆，但系冇咗热度都系比以前冇咁好食。鸡翼同样大大只，但炸粉厚身令到炸鸡翼比较硬，同猪扒一样炸鸡翼都系冻咗，所以都系比较怀念以前新鲜炸起热辣辣嘅味道。嚟呢度一定要食粗面，大家可以选择配榨菜或者雪菜，店家比嘅份量一啲都唔手软。加多个时菜仲可以中和炸物嘅油腻感。大家可能系中午人流较多嘅时候黎，食物嘅流转度比较快，可以食到新鲜炸起嘅食物。但要留意，中午来可能要排队哦～