Homeland (東昌街) (已結業)

今日去大埔踩单车，见到好多人推介嘅呢间💛店，于是提早左15分钟去排队，但系都已经有一两组人等紧，最后舖头未开都已经有四五组人等等，所以建议大家早少少嚟！Menu上面好多款都好想试，见到后面果枱叫左汉堡都超级吸引。澳洲黑毛安格斯西冷（medium rare)肉质嫰滑，有连少少筋（我钟意食！），肉味都唔错，点埋个肉汁一齐食就仲正。另外个薯蓉好香，入面有保留返少少薯仔粒，所以有啲咬口，非常好味。加购左薯条配黑松露蛋黄酱新鲜炸出嚟，热辣辣，每一条都好粗，有好多薯蓉。个黑松露酱调得好好，黑松露味香浓，十分推介！秘制伊比利亚卡邦尼意粉同平时食嘅意粉唔同，因为系手工意粉，有意粉嘅烟韧，比一般意粉粗，好特别！吉穿只蛋之后捞埋啲意粉一齐食，开头可能会以为唔够味，但系连埋啲火腿一齐食个味就刚刚好！提一提大家，餐饮叫左咖啡，餐厅会帮你加埋奶，如果想走奶嘅话记得同餐厅讲。整体而言，每样食物嘅味道都好好，睇得出餐厅有用心去整每一道菜，份量好足，诚意十足！下次会试佢嘅汉堡。最后大家仲可以入去买连猪利是封🧧，自己都买左一套，一长一短（$50）。