麻痺雞 (已結業)

天气咁冻紧系要去食鸡煲打边炉喇，朋友去食过大埔呢间麻痺鸡，口碑唔错，即管去试试。呢度啲煲底唔错，有多款选择，睇落款款都好味。朋友食过麻醉鸡极力推荐，今次佢话试番正宗重庆鸡煲，又睇下点。菜料款式唔算多，胜在任食，所以都见到好多年青人帮衬。下面款式就要加钱。终于上菜啦！鸡煲几正宗，叫左bb辣，好香辣味之余又够香。配料芫茜 ,洋葱 ,香葱,辣椒非常足料。入面仲有薯仔，翠玉瓜等等。鸡肉嫩滑 好惹味，食到咀lam lam。 好少见到出面有 皮蛋啦海蜇呢啲凉拌小食系任食嘅。 碟头都算几大碟。海蜇有嚼劲，皮蛋好滑 而皮蛋黄味浓。 鱼皮好松脆好新鲜，食落卜卜脆，浸一浸鸡煲啲汤汁更加惹味。 虽然呢度主力唔系食海鲜，但系两份叫咗嘅海鲜都非常新鲜。太子大大粒，食落鲜甜而且肉厚结实。 日本新鲜广岛蚝足足有缘六件咁多。而且大大粒，食落有好重既生蚝味，而且啖啖肉好新鲜好甜。 西班牙黑豚肉， 肉质有咬劲而且脂肪面积均匀而不油腻。 任食嘅食物普遍不错。我最钟意嘅系牛柏叶，感觉非常新鲜有咬口，而且好爽。豆卜渗透咗鸡煲嘅辣汁非常惹味，牛肉大大但肥膏多左啲。 饮品亦系任饮，除咗啤酒之外仲有多款嘅汽水饮品选择。推介咸柑桔，几