茶舍 (儲金閣)

营业中

休息中

今日去大埔食呢间餐厅，一入到去职员D态度都好好。一开始系QR CODE落单揾唔到想食个款，职员都有教我地! 呢到环境阔落，坐得好舒服。野食方面，咩都有，西式港式都有。叫左焗猪扒饭，劲多芝士，好有诚意。而且系用左炒饭底，蕃茄汁味道都好香浓，捞埋落炒饭到食好正。猪扒大大块，切开食落唔会好多筋，唔会好难咬。晚餐特餐叫左香蒜猪扒炒意粉，蒜味突出，意粉唔会痴埋一旧旧。猪扒都有腌过，有调味，所以食落唔会好单调。一开始仲有餐汤同沙律，餐汤几好饮，系龙虾汤。蒜香鸡翼有惊喜，热辣辣，入面好juicy。最后甜品叫左杏霜一口炸西多士 ，呢个好好食!!! 比平时既西多士，呢款比较轻盈，入面既空气感会重D，出面劲脆，配埋炼奶同杏霜一流。