基哥一品清湯腩 (已結業)

琴日去咗大埔踩单车，晚黑就喺𠮶边食饭。想揾吓有啲咩地道美食，不过时间可能有啲晏，好多小店都已经关左门。结果误打误撞去到一间食牛腩面嘅小店。装修比较新，环境都几干净。点了牛腩河试吓，加埋一份炸鱼皮。牛腩河有惊喜㖞，应该唔系普通货式，系一啲比较好食嘅部位。，睇到半肥瘦，食落口果然唔会好松软，黐住旧肥膏亦都带点油香味。虽然有啲肥但系整体都几好味。汤底应该冇咩落味精，因为食完都唔觉得好口渴。至于炸鱼皮嘅质素就一般啦，不过不失。牛腩面盛惠$35绝对合理。