A8's Cafe (已結業)

午市得一个厨师同一个楼面，慢唔系问题，态度差同卸波先系问题。落完餐十分钟后先话你知其中一个餐得2个，另外2个要转餐，冇问题，我地转。1pm落晒单，等到1:20pm都冇野食，明明落单果时计埋我地得2枱客。好啦，1:25pm 9个人终于有6个餐到左，谁不知原来有个落错单🙂1:30pm问下煮成点就不停话得一个厨师，叫我地体谅下。去到1:40pm我地再问几时先有野食，就话我地迟嗌又转餐要等下。十万个问号出现左，明明系你冇check到得返几多个餐要我地转然后话我地迟嗌？你都几好笑。明明咖哩系一早要预备嘅食材，你整左40分钟都整唔到?即煲都唔使咁耐啦下话🙂之后楼面女人话你会唔会想食返岩岩15分钟前出错左果个餐？下？碟扒你放左15分钟冻晒仲问人食唔食返？去到1:45pm仲争一个All day breakfast，真系等唔到我地话要cancel。楼面个女人话咁你杯餐饮当正价$15咁计。一千万个问号出现左，你比唔到餐lunch 人，等左45分钟都黎唔到个餐，好意思收人钱？去到比钱环节，张单都仲系错。真系好野👏🏻做唔黎就唔好开咁多张枱，要大家齐齐陪你虚渡光阴。