富山居 (裝修中)

今日朝头早做完运动 行过大埔想食早餐 见到呢间日式居酒屋竟然有早餐 一于去试吓睇吓好唔好食先🙈牧场烤多士+香滑炒蛋 +蕃茄肉碎通粉 配: 猪柳汉堡/法兰克福肠/韩式午餐肉 可以选择一款呢个早餐非常丰富 多士烘到脆卜卜 唔会太窿 反而好有咬口 滑蛋好嫩滑 蛋味好重 再加上我最钟意食嘅法兰克福肠😍呢个早餐真系冇得弹！番茄肉碎通粉都系我嘅至爱 蕃茄味好浓郁 通粉好入味 份量都好大 食完都饱到唔想食lunch🙈同行嘅仲叫咗另外一个餐吉列鱼柳 + 香滑炒蛋 + 轻量级蕃茄肉碎通粉 吉列鱼柳炸到脆卜卜 鱼肉好嫩滑新鲜 再配埋沙律酱一齐食真系好正 香滑炒蛋好滑 有蛋味 真系食完仲想再食啊👍🏻估唔到大埔竟然有啲咁高质嘅早餐！下次做完运动一定要再过嚟试🙈