November (大明里) (已結業)

去大埔街市買餸，行到辛水辛汗，即刻去November 買杯飲品嘆下。餐牌好多特色飲品我未見過，而且仲有好多配料可以加，配料都夠特別，竟然有金磚、冰磚、忌廉、雪糕、奶蓋，款式多元化，款款都想加，款款都想飲。白桃鮮茶加珍珠-白桃用上新鮮生果，估唔到用上新鮮生果，而不是用全糖漿，但白桃味道都突出，不會太甜，白桃與茶比例剛剛好，有茶香味，珍珠煙韌Q彈，飲完成杯感覺好清新。薑汁鮮奶茶加水晶-我地比較小見，第一啖飲落去薑味好濃，之後慢慢飲到奶茶味，薑味亦不會好辣，好岩我口味，而水晶口感又幾特別。