紅橋餐廳

营业中

休息中

间唔中会同屋企人光顾既餐厅，因为阿爸话佢意大利粉同咖啡几好，价钱经济又大份，但好多时夜晚都要等位，都几多人排队，可能地点近巴士站啦。今日打风，变番三号波，一个人晏昼经过红桥见好多位，即刻入去食。叫咗个午膳套餐，忌廉蟹肉意大利饭加冻T，包餐汤同热饮，冻饮加$3。白汤（忌廉蘑菇汤）：对上一次夜晚9点几食，好明显汤较稀同淡味。今日唔知系咪打风未有太多人帮衬，啲料都几够，又浓味。忌廉蟹肉意大利饭：份量好够，浓味，卖相虽然一般，蟹肉稍为睇落少啲，但其实都好饱肚，而且啲汁唔会过多，唔会一路食一路要饮水。如果健康女士食，应该会觉得多。见到隔离枱多数叫一字骨蛋包饭同海南鸡饭，同样份量好多，虽然唔知系咪好食，但价钱介乎都系$55-70，同埋一个球雪糕既红豆刨冰，下次嚟要叫下试试。