麻甩爐海鮮雞煲私房菜 (安樂樓 (已結業)

今日上完堂想食鸡煲，发现大埔嘅麻甩炉最平$248可以任食三个钟，非常抵食。而且三个钟就唔使好赶咁食，可以慢慢同朋友仔一路食一路倾吓偈先～今日我同朋友拣咗$308嘅绝对新鲜海鲜鸡煲套餐，比较特别嘅除咗有鸡煲同火锅，佢仲有个新鲜海鲜拼盘。冰火翡翠螺（一份）翡翠螺一份会有六只，每只都好大只，好厚肉。翡翠螺食落有咬口，鲜甜美味，酱汁咸咸地，唔辣。招牌麻甩鸡煲（鸡无限添加）依个套餐其实有几款鸡煲可以选择，例如有招牌麻辣鸡煲、药膳花雕醉鸡、养生虫草花鸡煲等等，今次我就食最signature嘅招牌鸡煲！厨师会喺厨房将鸡同酱汁炒好，酱汁非常惹味，辣辣地，仲食得出落咗好多香料，见到有唔少花椒，带有麻香。鸡煲鸡件好多，每件都好多肉，沾满酱汁，非常美味。另外配菜有芫荽、洋葱同薯仔，薯仔有炸过先落煲，非常香口。动L豪华海鲜拼盘（每位6款）海鲜拼盘非常丰富，今日分别有鲍鱼、贵妃蚌、花甲、沙白、龙趸片同海虾。每款海鲜都非常大只同新鲜，上台𠮶阵仲见到海虾喺度郁！鲍鱼大大只，食落有咬口。贵妃蚌、沙白、花甲依啲贝壳类海鲜食落特别鲜甜，每粒肉都胀卜卜。食完鸡煲我哋就直接加汤打边炉，汤底呈奶白色。牛板腱大大块，肉味浓，唔会