八妹雞煲

营业中

休息中

有晚同朋友突然想食鸡煲，咁岩行开附近就拣左八妹鸡煲！好耐之前食过一次，但今次黎到发现装修靓左好多，装修「港味浓」，环境舒服而且好热闹。今次就叫左半只鸡既鸡煲，鸡煲既酱料浓稠但唔会过咸，我哋叫咗微辣，煮嘅时间越长，啲酱汁越嚟越浓，会越嚟越辣，好惹味🤣鸡肉嫩滑，每件鸡唔会好大旧，会较方便进食，鸡嘅份量都唔少，食完啲鸡其实都半饱！差唔多食完啲鸡就可以请店员要汤加落个煲道开始打边炉！！我地叫左雪花肥牛（小）、混丸、娃娃菜、芝士小笼包、红薯粉、即炸响铃～肥牛脂肪比例唔错，亦有油香，即使叫咗细份都好满足。混丸就岩哂啲咩丸都想食既朋友仔！芝士小笼包其实系芝心丸，一咬落去会爆芝士！记得放凉少少先，如果唔系会辣亲个嘴🥲🤭另外响铃都好正，即叫即炸，每一旧都大大件，虽然形状有啲奇特，但炸得十分松脆再渌一渌就做到外软内脆，索晒啲汤汁好正😋打边炉一定要叫一酌竹蔗茅根解渴又下火，清热润燥，又可以同朋友一齐饮🤭餐厅既一角有调味区，基本既酱料都有但我个人就好想要芝麻酱🤭觉得调味区嘅配料可以再多少少🤔不过调咗个酱汁返嚟都冇点样点，因为打边炉嘅汤汁已经好浓味，够哂惹味，唔需要另外嘅酱汁。食物同环境都唔错，值得推介👍🏻